Siegfried Klock

De Wiehnachtsgans is nu veputzt
De erst Geschenke woorn all nutzt
De Köken glickt een Stapelstee
Oma un Opa schlaapen tofree

Lütt Siefke spölt mit Isenbahn
Mama packt de Upröömwahn
Vaddern rookt sien daart Zigar
De Mööder hum geeven hätt, ratataaa

De Wiehnachtsboom fangt all ant ruuken
Of man De anner Jouhr kann bruken
Ne seggt Mööder, steiht up Waag
Wat wier dat Eten doch en Plaag

Unkel Gerd sitt all Stünn up Klo
Wenn man sovöl ett, denn is dat so
Tant Hilli deiht de Buuk so seer
De letzte Happen wier nich fair

In Flimmerkiste löpt en Krimi
Dat is so recht wat för Tant Mimi
De Isenbahn is tomol stücken
Lütt Siefke Was an Kabels plücken

Mödder bölkt “ Is dat Shiet ok teter”
Vaddern weet dat ok nich beter
Dat Chaos pur, wedder all Jouhr
Wiehnachten so mooi, juhu nu dor

Un mörgen noch de tweede Daag
Wat dat wall noch geeven mach
Eens is gewiss, dat weet wi sacht
Dornaa is dorvör, de nächste Wiehnacht